我的故里──下蚶頌

下蚶古謠

作者：郭明遜

我的故里──下蚶頌

萬丹向西三公里，中間一個萬丹埤，

四面攏是好水田，不久就到咱下蚶。

兩邊店頭相連續，中央一軒普奄壇，

請你歇腳看一看，乙陣香烟透心肝。

向西百丈有護岸，高高一領親像山，

這是庄中生命線，毋驚出水奕漲泉。

下蚶圓圓千外戶，誠濟水田和溪埔，

百種新出好五穀，庄頭發展大進步。

下蚶ㄟ人情份種，尚屆疼惜出外人，

經你笨憚毋討賺，打拼成功有夠讚。

政府給咱有指示，叫大家都要儉錢，

認真打拼添福氣，下蚶發達萬萬年。